Catrin Rhys – CADY – Cydlynydd Anghenion Dysgu Ychwanegol
RhysC4@plascrug.ceredigion.sch.uk
Beth yw Anghenion Dysgu Ychwanegol?
Mae tua 1 ym mhob pump plentyn yn profi elfen o Angenhion Dysgu Ychwanegol yn ystod ei amser yn yr ysgol.
Mae’r gyfraith yn honi fod gan blentyn Anghenion Dysgu Ychwanegol (ADY) os oes ganddo/hi anhawsterau dysgu neu ymddygiad sydd yn gofyn am gymorth arbennig.
Mae gan eich plentyn anawsterau dysgu os yw’n :
- ei chael hi’n anoddach i ddysgu na’r rhan fwyaf o blant o’r un oed
- ag anabledd sy’n ei gwneud hi’n anodd defnyddio’r ysgol leol
Gall anawsterau dysgu gael eu hachosi gan:
- anabledd corfforol
- problem gyda golwg, clyw, llefaru ac iaith
- oedi mewn datblygiad
- anawsterau emosiynol ac/neu ymddygiad
- problem feddygol
- anawsterau penodol gyda darllen, ysgrifennu neu fathemateg
Bydd athro dosbarth y plentyn, y CADY neu’r Pennaeth bob amser yn trafod unrhyw bryderon sydd gan rhieni am eu plentyn.
Gellir diwallu’r rhan fwyaf o’r anghenion yn yr ysgol brif ffrwd gan athro dosbarth y plentyn. Weithiau, bydd cymorth hefyd yn cael ei roi gan arbenigwyr eraill.
Dyma rai enghreifftiau o’r mathau o anawsterau y gall plentyn ag anghenion addysgol ychwanegol eu profi.
- darllen, ysgrifennu, gwaith rhif
- deall gwybodaeth
- mynegi eu hunain neu ddeall beth mae eraill yn ei ddweud
- gwneud ffrindiau neu ymwneud ag oedolion
- ymddwyn yn briodol yn yr ysgol
- trefnu eu hunain
- anhawster wrth glywed, gweld, neu symud o gwmpas a allai effeithio ar eu dysgu
Ymwybyddiaeth o Awtistiaeth
Mae Ysgol Plascrug hefyd yn ysgol gyfeillgar i awtistiaeth ar ôl cwblhau’r rhaglen Dysgu gydag Awtistiaeth Ysgol Gynradd, sydd wedi’i achredu gan ASDinfoWales. Diolch i’r holl staff addysgu a chymorth, tîm gweinyddu, goruchwylwyr amser cinio a llywodraethwyr ysgol sydd wedi ymgymryd â’r cynllun hyfforddiant ac ardystio ymwybyddiaeth o awtistiaeth ac i’r disgyblion sydd wedi cymryd rhan yn y gwersi ymwybddiaeth o awtistiaeth ac wedi llofnodi’r siarter.